জামুগুৰিহাটত অসমী ভোগালী মেলাৰ শুভ উদ্বোধন বিধায়ক পদ্ম হাজৰিকাৰ

জামুগুৰিহাটঃ শোণিতপুৰ জিলাৰ জামুগুৰিহাটৰ বিহুমেলা বাকৰিত অসম ৰাজ্যিক গ্ৰামীণ জীৱিকা অভিযানৰ অন্তৰ্গত নদুৱাৰ খণ্ড অভিযান পৰিচালনা শাখা জোনবিৰি আৰু শোণিতকোৱঁৰ মণ্ডল পৰ্যায়ৰ সংগঠনৰ উদ্যোগত আজিৰ পৰা দুদিনীয়াকৈ অসমী ভোগালী মেলা অনুষ্ঠিত হয়৷ আজি পুৱা এই ভোগালী মেলাৰ ৰঙা ফিটা কাটি শুভ উদ্বোধন কৰে চতিয়া সমষ্টিৰ বিধায়ক পদ্ম হাজৰিকাই৷ এই ভোগালী মেলাত শতাধিক আত্ম সহায়ক গোটৰ সদস্যাই থলুৱাভাৱে তৈয়াৰ কৰা লাৰু, পিঠা, গামোছাকে ধৰি বিভিন্ন সামগ্ৰী প্ৰদৰ্শনৰ লগতে বিক্ৰীও কৰা দেখা যায়৷ গঞা মহিলাসকলে এইদৰে ঘৰতে তৈয়াৰী বিহুৰ সামগ্ৰীৰ মেলা প্ৰত্যক্ষ কৰি অভিভূত হৈ পৰা দেখা যায় চতিয়া সমষ্টিৰ বিধায়ক পদ্ম হাজৰিকা।