বাহাৰঘাটঃ বৰভাগ ৰাজহচক্ৰৰ অন্তৰ্গত সানেকুছি শ্ৰীশ্ৰী গৰখীয়া থানৰ পঞ্চদশ বাৰ্ষিক উৎসৱ আজি দিনজোৰা কাৰ্য্যসূচীৰে উদযাপন কৰে৷ উক্ত বাৰ্ষিক উৎসৱৰ লগত সংগতি ৰাখি নতুনকৈ নিৰ্মাণ কৰা সভাঘৰটো আজি আনুষ্ঠানিকভাৱে উন্মোচন কৰে৷ অসম দৰ্শন আচনি আৰু সানেকুছি গাৱঁৰ ৰাইজৰ আৰ্থিক সাহাৰ্য্যত নিৰ্মাণ কৰা সভাগৃহটো উন্মোচন কৰে বৰভাগ উন্নয়ন খণ্ডৰ খণ্ড উন্নয়ন বিষয়া অপুৰ্ব চক্ৰবৰ্ত্তীয়ে৷ ইয়াৰ আগতে সানেকুছি গাৱঁৰ চম্পাৱতী চৌধুৰীৰ গৃহৰ পৰা বাৰগোপালৰ প্ৰত্যাগমন, বন্তি প্ৰজ্বলন, ধৰ্মীয় ধ্বজা উত্তোলন, বৃক্ষৰোপণ, গোপাল বৰণ, অজয় লহকৰ সোঁৱৰণী নাগাৰানাম প্ৰদৰ্শন, দুপৰীয়া সম্বৰ্ধনা, প্ৰষাদ আৰু ভোগ বিতৰণ আদি কাৰ্য্যসূচীত অসংখ্য ভক্তপ্ৰাণ ৰাইজৰ সমাগম ঘটে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।