বাহাৰঘাটঃ নলবাৰী জিলাৰ অন্তৰ্গত শংকৰদেৱ বিদ্যা নিকেতন, বাহাৰঘাট ৩১ তম প্ৰতিষ্ঠা দিৱস আজি উলহ-মালহেৰে উদযাপন কৰে৷ তদুপলক্ষে আজি নিকেতনৰ নিত্য প্ৰাতঃপ্ৰাৰ্থনাৰ পিচতে বন্তি প্ৰজ্বলনৰে প্ৰতিষ্ঠা দিৱসৰ কাৰ্য্যসূচীৰ শুভাৰম্ভ কৰে৷
ইয়াৰ পিচতে আচাৰ্য্যা কমলা দেৱীৰ ৰচনা আৰু সুৰৰে প্ৰস্তুত কৰা শংকৰদেৱ বিদ্যা নিকেতন, বাহাৰঘাট শীৰ্ষক গীতটো ছাত্ৰ-ছাত্ৰীৰ দ্বাৰা পৰিৱেশন কৰাৰ অন্তত পতাকা উত্তোলন কৰে নিকেতন প্ৰতিষ্ঠা কালৰ সদস্য দীনেশ চন্দ্ৰ শৰ্মাই৷
নিকেতনৰ প্ৰধানাচাৰ্য্য তিলক চন্দ্ৰ তালুকদাৰে আঁতধৰা অনুষ্ঠানটোৰ গাম্ভীৰ্যপূৰ্ণ পৰিৱেশত শোভাযাত্ৰা উদ্বোধন কৰে হিতাকাংক্ষী দীনেশ চন্দ্ৰ দাসে৷ উল্লেখ্য যে নিকেতনৰ শিক্ষাৰ্থীসকলে ঘোছবাদ্য পৰিৱেশন কৰি এটি বৰ্ণিল শোভাযাত্ৰাৰে অঞ্চল পৰিভ্ৰমণ কৰি ৰাইজক আকৰ্ষিত কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।