ঔমপ্ৰকাশ প্ৰমিলা দেৱী মেম’ৰিয়েল চেৰিটেবল ন্যাসৰ সভা

লংকাঃ ঔমপ্ৰকাশ প্ৰমিলা দেৱী মেম’ৰিয়েল চেৰিটেবল ন্যাসৰ উদ্যোগত লংকাৰ লংকেশ্বৰী নাট্য মন্দিৰ প্ৰাংগনত আজি এক সভা অনুষ্ঠিত হয়৷ প্ৰতি বছৰৰ দৰে এইবাৰো হাইস্কুল শিক্ষান্ত পৰীক্ষাত পৰীক্ষাত উত্তীৰ্ণ হোৱা দৰিদ্ৰ পৰিয়ালৰ ১৬ গৰাকী মেধাবী ছাত্ৰ-ছাত্ৰীক কলেজৰ ইউনিফৰ্ম, কিতাপ আৰু দুবছৰলৈকে সম্পূৰ্ণ পঢ়া খৰছৰ দায়িত্ব ন্যাসে গ্ৰহণ কৰে।

লগতে উচ্চ মাধ্যমিক পৰীক্ষাত উত্তীৰ্ণ হোৱা ৬ গৰাকী দৰিদ্ৰ পৰিয়ালৰ ছাত্ৰ-ছাত্ৰীকো স্কলাৰশ্বিপ প্ৰদান কৰে। লগতে অসমৰ ভিতৰত দশম স্থান লাভ কৰা হোজাই জিলাৰ চৈবনিক বনিক আৰু লামডিঙৰ বিশেষভাবে সক্ষম চৌবত সৰকাৰকো ন্যাসে সহায়ৰ হাত আগবঢ়ায়। উক্ত সভাত সভাপতিত্ব কৰে ৰোহিত আগৰৱালাই।

উক্ত সভাত উপস্থিত থাকে হোজাই জিলাৰ উপায়ুক্ত, হোজাই জিলাৰ আৰক্ষী অধীক্ষকৰ লগতে বিশিষ্ট অতিথি হিচাপে উপস্থিত থাকে অসমৰ মোহময়ী অভিনেত্ৰী বৰষাৰাণী বিষয়া৷