নলবাৰীৰ এখন বিদ্যালয়ত হঠাৎ হুৱাদুৱাঃ কিন্তু কিয়?

নলবাৰীঃ নলবাৰীৰ এখন ব্যক্তিগত খণ্ডৰ বিদ্যালয়ত অঘটন। ব্যক্তিগত খণ্ডৰ বিদ্যালয় নালান্দা পাব্লিক স্কুলত আজি স্কুল চলি থকাৰ সময়ত হঠাৎ হুৱাদুৱা লাগিল। বিদ্যালয়খনৰ দশম আৰু নৱম শ্ৰেণীৰ ছাত্ৰী হঠাতে মুৰ্ছা যোৱাত এক অভাৱনীয় পৰিৱেশৰ সৃষ্টি হয়।

ততাতৈয়াকৈ নলবাৰী শ্বহীদ মুকুন্দ কাকতি অসামৰিক চিকিৎসালয়ত ভৰ্তি কৰোৱা হয়। আনফালে বিদ্যালয় কৰ্তৃপক্ষই ঘটনাক গাপ দিয়াৰ চেষ্টা চলাই সংবাদ মাধ্যমৰ আগত।

সাংবাদিকক বাতৰি সংগ্ৰহ কৰাত বাধা আৰোপ কৰে বিদ্যালয়ৰ কৰ্তৃপক্ষই। বিদ্যালয়খনৰ ছাত্ৰী তৃষ্ণা বৰা, স্বপ্না সিং, গিতু ডেকা, কৃতি জৈন চিকিৎসাধীন হ’ব লগা হয়।

প্ৰকৃততে কিহৰ বাবে এই ঘটনা সংঘটিত হ’ল এতিয়াও জানিব পৰা নাই। উল্লেখযোগ্য বাৰে বাৰে বিতৰ্কত সোমাই পৰা এইখন বিদ্যালয়লত পূৰ্বেও বিভিন্ন ধৰণৰ ঘটনা সংঘটিত হৈছে। যাৰ বাবে অভিভাৱক-অভিভাৱিকাসকল বিতুষ্ট হৈ পৰিছে।