ডিজিটেল ডেস্কঃ ভাৰতীয় তাৰকা পেচ বলাৰ যশপ্ৰীত বুমৰাহে দখল কৰিছে সংবাদ শিৰোনাম৷ কিন্তু এই গৰম খবৰ তেওঁ প্ৰতিপক্ষ দলত ত্ৰাসৰ সৃষ্টি কৰা বলিঙৰ বাবে হোৱা নাই, হৈছে তেওঁৰ ব্যক্তিগত জীৱনৰ এক বিষয়কলৈহে৷ ক্ৰিকেটৰ পথাৰত ধুমুহাৰ সৃষ্টি কৰা ভাৰতীয় ক্ৰিকেট তাৰকা যশপ্ৰীত বুমৰাহৰ ৰোমাঞ্চৰ খবৰে এতিয়া অনুৰাগীসকলৰ মাজত ব্যাপক চৰ্চা লাভ কৰিছে৷
এগৰাকী দক্ষিণ ভাৰতীয় অভিনেত্ৰীৰ লগত বুমৰাহৰ প্ৰেমৰ সম্পৰ্ক এতিয়া ছচিয়েল মিডিয়াৰ অন্যতম চৰ্চিত বিষয় হৈ পৰিছে৷ খবৰ অনুসৰি এতিয়া বুমৰাহ আৰু দক্ষিণ ভাৰতৰ অভিনেত্ৰী অনুপমা পৰমেশ্বৰনৰ মাজত গঢ়ি উঠিছে প্ৰেমৰ সম্পৰ্ক! ২৩ বছৰীয়া অনুপমাই ইতিমধ্যে দক্ষিণ ভাৰতৰ বহুকেইখন ডাঙৰ ছবিত অভিনয় কৰিছে।
২০১৫ চনত মুক্তি পোৱা ‘প্ৰেমম’ ছবিখনৰ জৰিয়তে অনুপমাই দৰ্শকৰ মাজত লাভ কৰিছিল অভূতপূৰ্ব জনপ্ৰিয়তা। যশপ্ৰীত আৰু অনুপমাই এতিয়া এজনে আনজনক ছচিয়েল মিডিয়াত ফ’ল’ কৰাও দেখা গৈছে। সেইদৰে যশপ্ৰীতে ছচিয়েল মিডিয়াত অনুপমাৰ কেইবাখনো ফটো লাইকো কৰিছে। বুমৰাহৰ সৈতে চৰ্চা লাভ কৰা সম্পৰ্কৰ প্ৰসংগ নাকচ কৰি অনুপমা পৰমেশ্বৰনে দুয়ো ভাল বন্ধু বুলিহে জানিবলৈ দিয়ে যদিও এই সম্পৰ্কত কোনো মন্তব্য কৰা নাই যশপ্ৰীতে৷
