ৰঙিয়াত ব্যৱসায়ীৰ স্কুটি চুৰি

ৰঙিয়া: সমগ্ৰ ৰঙিয়াতে যোৱা কেইমাহ মানৰ পৰা বাইক চুৰিৰ ঘটনা অধিকভাবে বৃদ্ধি হোৱা ঘটনাই ৰঙিয়াৰ জনসাধাৰণক চিন্তিত কৰি তুলিছে। এনে এক সময়তে আজি পুনৰ ৰঙিয়াত এখন স্কুটি চুৰি হোৱা ঘটনাই জনসাধাৰণৰ মাজত প্ৰতিক্ৰিয়াৰ সৃষ্টি কৰিছে। ভাৰত ভূটান আন্তঃৰাষ্ট্ৰীয় পথৰ এইচ ডি এফ চি বেঙ্কৰ সমীপৰ এখন ম'বাইলৰ দোকানৰ সন্মুখৰ পৰা চোৰে স্কুটিখন লৈ উধাও হয়।

আলোক জৈন নামৰ ব্যৱসায়ীজনে তেওঁৰ AS 25 j 2289 নম্বৰৰ নীলা ৰঙৰ হিৰো মেক্স কোম্পানীৰ স্কুটিখন ৰাখি থোৱাৰ কিছুসময়ৰ পিচতে চোৰে স্কুটিখন লৈ যায়। স্কুটিখন এনেদৰে লৈ যোৱা ঘটনাটো ব্যৱসয়ীজনৰ দোকানৰ চি চি টিভিৰ কেমেৰাত আবদ্ধ হোৱাত বিষয়টো সন্ধৰ্ভত আৰক্ষীক অৱগত কৰে ব্যৱসায়ীজনে। আৰক্ষীয়ে ঘটনাস্থলীত উপস্থিত হৈ প্ৰাথমিক তদন্ত আৰম্ভ কৰে যদিও দুৰ্বৃত্তক আটক কৰিবলৈ সক্ষম হোৱা নাই।