গৌৰীপুৰৰ বালাজানত ৰে'লৰ খুন্দাত মহিলা নিহত

গৌৰীপুৰ: গৌৰীপুৰৰ বালাজান বজাৰৰ ওচৰতে সংঘটিত হয় এক দুৰ্ঘটনা৷ দ্ৰুতবেগী ৰে'লৰ খুন্দাত নিহত এগৰাকী মহিলা। নিহত মহিলাগৰাকীৰ নাম শ্যামলী শীল(৩২) বুলি জানিব পৰা গৈছে। স্থানীয় ৰাইজৰ মতে ঘৰুৱা কন্দলৰ বাবে আত্মহত্যা কৰিছে মহিলাগৰাকীয়ে। গুৱাহাটীৰ কামাখ্যাৰ পৰা ধুবুৰী অভিমুখে গৈ আছিল ৰে'লখন।

জানিব পৰা মতে নিহত মহিলাগৰাকী ঢেপডেপি অঞ্চলৰ মদন শীল নামৰ টেট শিক্ষক এগৰাকীৰ পত্নী। উল্লেখযোগ্য যে মদন শীল ঘটনাটোৰ পিছৰে পৰা নিৰূদ্দেশ হৈ আছে। ঘটনা সন্দৰ্ভত বালাজান আৰক্ষীয়ে তদন্ত আৰম্ভ কৰিছে।