বাক্সাঃ সমগ্ৰ ৰাজ্যৰ লগতে আজি সদৌ অসম সংখ্যালঘু ছাত্ৰ ইউনিয়ন চমুকৈ আমছুৰ বাক্সা জিলা সমিতিৰ অন্তৰ্গত খাৰিজা বিজনী আঞ্চলিক সমিতিৰ উদ্যোগত এক সজাগতামূলক সমদল উলিওৱা হয়৷
সমদলকাৰী সকলে বিভিন্ন ধৰণৰ প্লে কাৰ্ড লৈ সমাজৰ পৰা অন্যায়, ব্যভিচাৰ আৰু নানান অপৰাধমূলক কাৰ্য যেনে অন্ধবিশ্বাস, বাল্যবিবাহ, বহুবিবাহ, নাৰী নিৰ্যাতন, জুৱা, তীৰ, মাদক দ্ৰব্য সেৱন আদিৰ বিৰুদ্ধে শ্লোগান দি খাৰিজা বিজনীৰ বিভিন্ন অঞ্চল পৰিভ্ৰমণ কৰে৷
উল্লেখ্য যে আজিৰ এই কাৰ্যসূচীত আমছুৰ বিভিন্ন কৰ্মকৰ্তাৰ লগতে বাক্সা জিলা আমছুৰ সাধাৰণ সম্পাদক ছাইফুল ইছলাম খানে নেতৃত্ব প্ৰদান কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।