ৰঙাপৰা খেতিপথাৰত ট্ৰেক্টৰ দুৰ্ঘটনাগ্ৰস্ত হৈ প্ৰাণ গ’ল যুৱকৰ

ৰঙাপৰাঃ শোনিতপুৰ জিলাৰ ৰঙাপৰাত এখন ট্ৰেক্টৰ দুৰ্ঘটনাগ্ৰস্ত হোৱাত এজন যুৱকৰ থিতাতে মৃত্যু হয়।আৰক্ষী সুত্ৰে জানিব পৰা মতে ৰঙাপৰা আৰক্ষী থানাৰ অন্তৰ্গত দবদবি গাঁও নিৱাসী মৃত অভিৰাম তপ্নৰ পুত্ৰ ইছাক টপ্নই(৩০) নিজৰ পথাৰত টেক্টৰ দি হাল বাই থাকোতে বোকাত সোমাই যোৱা বাবে টেক্টৰখন দুৰ্ঘটনাত পতিত হয়।

দুৰ্ঘটনাত পতিত হৈ টেক্টৰৰ সন্মুখৰ দুই চকা শূন্যলৈ উঠি অহাৰ ফলত চালক ইছাক টপ্নৰ ঘটনাস্থলীত থিতাতে মৃত্যু হয়। ইপিনে নতুনকৈ ক্ৰয় কৰা টেক্টৰ খনৰে খেতি বাতিত কাম কৰাৰ সময়ত যুৱকজনৰ অকাল মৃত্যুত অঞ্চলটোত শোকৰ ছাঁ পৰিছে। তদুপৰি আৰক্ষীয়ে ঘটনাস্থলীত উপস্থিত হৈ টেক্টৰখন জব্দ কৰাৰ লগতে মৃতদেহটি মৰণোত্তৰ পৰীক্ষাৰ বাবে তেজপুৰ অসামৰিক চিকিৎসালয়লৈ প্ৰেৰণ কৰে।  ইছাক টপ্ন আছাৰ এগৰাকী সক্ৰিয় সদস্য আছিল।