লংকাঃ হোজাই জিলাৰ নীলবাগানৰ নাজিৰ আহমেদ নামৰ যুৱক জনে কিছুদিন পূৰ্বে নিজৰ প্ৰেমিকাক তেওঁৰ নিজৰ দোকানত আবদ্ধ কৰি কৰিছিল ধৰ্ষণৰ চেষ্টা তাৰ পাছত চুৰিৰে আঘাত কৰি হত্যাৰ চেষ্টা কৰে ভণ্ড প্ৰেমিক নাজিৰ আহমেদে। এই কু-কৰ্মৰ বিৰুদ্ধে মোৰাঝাৰ আৰক্ষীত ভুক্তভোগীৰ পৰিয়ালে গোচৰ তৰিছিল। পিছে GMCHত চিকিৎসাধীন হৈয়ো আজিও ন্যায়ৰ পৰা বঞ্চিত ভুক্তভোগী।
এই ঘটনাৰ পিছত হোজাই জিলাৰ লগতে সমগ্ৰ ৰাজ্যত জোকাৰণিৰ সৃষ্টি হৈছিল। চৌদিশে এই ঘটনাৰ তীব্ৰ গৰিহনা দিয়াৰ লগতে আজিৰ এই সংবাদ মেলত ভুক্তভোগীৰ পৰিয়ালৰ লোকে কয় যে প্ৰভাৱশালী নেতা ছিৰাজ উদ্দিনৰ পিএ নুৰুলৰ আত্মীয় হোৱাৰ বাবে ভুক্তভোগীয়ে ন্যায়ৰ পৰা বঞ্চিত হোৱাৰ অভিযোগ ভুক্তভোগীৰ মাতৃৰ।
আনহাতে ভণ্ড প্ৰেমিক নাজিৰ আহমেদক ধনৰ বিনিময়ত মোৰাঝাৰ আৰক্ষীয়ে ৰক্ষণাবেক্ষণ দিয়াৰ অভিযোগ তুলিছে ভুক্তভোগীৰ মাতৃয়ে। কিন্তু আজিলৈকে ঘাতক প্ৰেমিক নাজিৰৰ দোকানখন তলা মাৰিবলৈ সাহস হোৱা নাই হোজাই জিলা প্ৰশাসনৰ। আজিৰ এই সংবাদ মেলত ভুক্তভোগীৰ মাতৃয়ে উচিত ন্যায়ৰ বাবে অসম চৰকাৰ আৰু হোজাই জিলা প্ৰশাসনৰ লগতে বিভিন্ন দল সংঘটনক আহব্বান জনায়। আমাৰ এই প্ৰতিবেদনৰ পিছত আৰক্ষীয়ে কি ব্যৱস্থা গ্ৰহণ কৰে সেয়া লক্ষণীয় হ'ব।
