ওৰাং ৰাষ্ট্ৰীয় উদ্যানত গঁড় চিকাৰী আটক

মঙলদৈঃ ওৰাং ৰাষ্ট্ৰীয় উদ্যানত আটক দুৰ্ধৰ্ষ গঁড় চিকাৰী৷ নিশা উদ্যানখনৰ কাষতে থকা বগৰিবাৰী চৰত দৰঙৰ অতিৰিক্ত আৰক্ষী অধীক্ষকৰ নেতৃত্বত চলোৱা এক অভিযানত শ্যামপুৰ থানাৰ আৰক্ষীয়ে এটা ৩•৩ ৰাইফল, ১১ জাঁই গুলীসহ আটক কৰে সুৰেশ হেমৰন নামৰ দুৰ্ধৰ্ষ গঁড় চিকাৰীক৷

গঁড় চিকাৰীটোৰ ঘৰ সৰুপথাৰৰ ৰানীপুখুৰী গাঁৱত৷ নিশা বগৰিবাৰী চৰৰ মাজেৰে উদ্যানখনত প্ৰৱেশ কৰোতে আৰক্ষীয়ে এজনক আটক কৰে যদিও আন এজন চোৰাং চিকাৰী পলায়ন কৰে৷