বৰপেটাত সেনাৰদ্বাৰা আন্তৰ্জাতিক যোগ দিৱস পালন

বৰপেটা: বৰপেটাৰ গণককুছিস্থিত নৱম জাট ৰেজিমেন্ট সেনা তথা ৰেড হৰ্ণ ডিভিজনৰ সেনাৰদ্বাৰা আজি পুৱা ৮ বজাত বৰপেটাৰ জনীয়া ষ্টেডিয়ামত আন্তৰ্জাতিক যোগ দিৱস পালন কৰা হয়। উক্ত যোগ দিৱসত সেনাৰ উচ্চপদস্থ বিষয়াৰ লগতে স্থানীয় ৰাইজ তথা বিভিন্ন বিদ্যালয়ৰ ছাত্র-ছাত্ৰীসকলে অংশগ্ৰহণ কৰে। সুস্থ শৰীৰ আৰু সুস্থ মনৰ কাৰণে যোগ যে অপৰিহাৰ্য সেই কথা আজি সেনাৰদ্বাৰা অনুষ্ঠিত আন্তৰ্জাতিক যোগ দিৱসত প্ৰতিফলিত হোৱা দেখা যায়। আজি অনুষ্ঠিত হোৱা এই আন্তৰ্জাতিক যোগ দিৱসত প্ৰায় দুহেজাৰ লোক উপস্থিত থাকে।

বৰপেটাৰ গণককুছিস্থিত নৱম জাট ৰেজিমেন্টৰ সেনাসকলে সমাজৰ বিভিন্ন ক্ষেত্ৰৰ কামত নিয়োজিত হৈ বৰপেটা চহৰত এক নজিৰ স্থাপন কৰিছে।