বৰপেটাৰ নসত্ৰস্থিত কৃষ্ণগুৰু আধ্যাত্মিক বিশ্ববিদ্যালয়ত আন্তৰ্জাতিক যোগ দিৱস পালন

বৰপেটা: অসমৰ বিভিন্ন প্ৰান্তৰ লগতে বৰপেটা জিলাৰ নসত্ৰস্থিত কৃষ্ণগুৰু আধ্যাত্মিক বিশ্ববিদ্যালয় প্ৰাংগণত পঞ্চম আন্তৰ্জাতিক যোগ দিৱস পালন কৰা হয়। বৰপেটা জিলা প্ৰশাসনৰ উদ্যোগত আৰু কৃষ্ণগুৰু আধ্যাত্মিক বিশ্ববিদ্যালয়ৰ সহযোগত অনুষ্ঠিত এই যোগ দিৱসত উপস্থিত থাকে অসমৰ পঞ্চায়ত আৰু গ্ৰামোন্নয়ন বিভাগৰ মন্ত্ৰী নৱ কুমাৰ দলে।

পুৱা ৭ বজাৰ পৰা অনুষ্ঠিত হয় এই যোগ দিৱস। যোগ দিৱসত বৰপেটা জিলাৰ উপায়ুক্ত মুনীন্দ্ৰ নাথ শৰ্মা, আৰক্ষী অধীক্ষক ডাঃ ৰবীন কুমাৰ, কৃষ্ণগুৰু সেৱাশ্ৰমৰ ভক্তিমাতৃ আই কুন্তলা গোস্বামী, সৰ্থেবাৰী ৰাজহ চক্ৰৰ চক্ৰ বিষয়া ৰশ্মিৰেখা দেৱীৰ লগতে বহুতো বিশিষ্ট ব্যক্তি উপস্থিত থাকে।