খাৰুপেটীয়াঃ বিগত বছৰৰ দৰে যোৱা কালিও 136BN চিআৰপিএফৰ ধূলাস্থিত কেম্পৰ উদ্যোগত ধূলা থানাৰ অন্তৰ্গত বিভিন্ন চৰকাৰী বিদ্যালয়ত বিতৰণ কৰা হয় ৱাটাৰ ফিল্টাৰ।
জানিব পৰা মতে বিগত বহু কেইবাৰ চিআৰপিএফে ৰাইজৰ মাজত বিনামূলীয়া ঔষধ, ৱাটাৰ ফিল্টাৰ আদি বিতৰণ কৰি আহিছে। সেয়ে এইবাৰো ছাত্ৰ-ছাত্ৰীৰ সুস্বাস্থ্যৰ কামনা কৰি ধূলাৰ বিভিন্ন বিদ্যালয়ত ৱাটাৰ ফিল্টাৰ বিতৰণ কৰে।
এক সহস্ৰাধিক ৰাইজ, ছাত্ৰ-ছাত্ৰী, আৰু বিদালয়সমূহৰ শিক্ষক-শিক্ষয়িত্ৰীৰ উপস্থিতিত আনুষ্ঠানিক ভাৱে বিতৰণ কৰে ৱাটাৰ ফিল্টাৰ।
উক্ত অনুষ্ঠানখনত উপস্থিত থাকে নলবাৰী স্থিত 136BN চিআৰপিএফ হেড কোৱাৰ্টাৰৰ কমানডেণ্ট অফিচাৰ পিচি চৌহান, ধূলা চিআৰপিএফ ইন্সপেক্টৰ এল.হাজৰিকাকে আদি কৰি বিভিন্ন সেনা বাহিনীৰ জোৱান। চিআৰপিএফৰ এই আদৰ্শনীয় পদক্ষেপক ৰাইজে শলাগ লৈছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।