নলবাৰীৰ বৰঝাৰত ভয়ংকৰ পথ দুৰ্ঘটনা

নলবাৰীঃ নিশা ৩১ নং ৰাষ্ট্ৰীয় ঘাই পথত সংঘটিত হয় এক ভয়ংকৰ পথ দুৰ্ঘটনা। নলবাৰীৰ বৰঝাৰত সংঘটিত হল এই দুৰ্ঘটনা। তীব্ৰ বেগেৰে আহি থকা ট্ৰাক এখনে সন্মুখৰ এখন গাড়ীত খুন্দা মৰাৰ ফলত WB 23, B 4309 নম্বৰৰ ট্ৰাক চালকজন থিতাতে নিহত হয়।

দুৰ্ঘটনা ইমানে ভয়ংকৰ আছিল যে চালকজনৰ মৃতদেহ ক্ৰেনেৰে উলিয়াব লগা হৈছিল। নিশাৰ ৰাষ্ট্ৰীয় ঘাইপথ এতিয়া কালৰূপত পৰিণত হৈছে। পৰিবহন বিভাগৰ নিৰ্লিপ্ততাৰ বাবেই নলবাৰীত এনেদৰে সঘনে দুৰ্ঘটনা সংঘটিত হৈ বহুলােকে মৃত্যুক সাৱটি ল’ব লগাত পৰিছে।