নগাঁওঃ নগাঁও আৰক্ষীৰ জালত পৰিল দুধৰ্ষ ডকাইত হবিবুৰ ৰহমান। নগাঁও আৰক্ষীৰ বিশেষ শাখাৰ উপ-অধীক্ষক জন দাসৰ নেতৃত্বত যোৱা সদৰ আৰক্ষীৰ দলে আজি চহৰখনৰ ধিং ৰোডৰ চলচলিৰ পৰা খেদি খেদি আটক কৰে হবিবুৰ ৰহমানক।
হবিবুৰ ৰহমানৰ পৰা আৰক্ষীয়ে উদ্ধাৰ কৰিছে এটা নাইন এম এম পিষ্টল। অসামৰিক পোছাকত যোৱা আৰক্ষীৰ দলে বাইকসহ দুধৰ্ষ ডকাইতটোক আটক কৰিবলৈ সক্ষম হয়।ইতিমধ্যে হবিবুৰ ৰহমানক নগাঁও সদৰ আৰক্ষী থানাত আৰক্ষীয়ে জেৰা অব্যাহত ৰাখিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।