ৰঙাপৰা ৰে’লৱে বিহু সমিতিৰ দুখীয়া ছাত্ৰ-ছাত্ৰীক আৰ্থিক সাহাৰ্য্য প্ৰদান

ৰঙাপৰাঃ শোণিতপুৰ জিলাৰ ৰঙাপৰাত ৰঙাপৰা উচ্চতৰ মাধ্যমিক বিদ্যালয়ত সোণালী জয়ন্তী গৰকা ঐতিহ্যপূৰ্ণ ৰঙাপৰা ৰে’লৱে বিহু সমিতিয়ে উচ্চতৰ মাধ্যমিকৰ ১০ গৰাকী দুখীয়া ছাত্ৰ-ছাত্ৰীক আজি আৰ্থিক সাহাৰ্য্য প্ৰদান কৰে।

উচ্চতৰ মাধ্যমিক প্ৰথম বাৰ্ষিকত নাম ভৰ্তি প্ৰক্ৰিয়াৰ বাবে সমিতিয়ে এই অৰ্থ সাহাৰ্য্য প্ৰদান কৰে| ৰঙাপৰা ৰে’লৱে বিহু সমিতিৰ হৈ অসীম ডেকা, মৃদুপৱন শৰ্মা, ৱাহিদুৰ ৰহমান আৰু অপূৰ্ব দাসে ৰঙাপৰা উচ্চতৰ মাধ্যমিক বিদ্যালয়ৰ অধ্যক্ষ মোহন গোস্বামীক এই নগদ অনুদান আগবঢ়ায়। ৰঙাপৰা ৰে’লৱে বিহু সমিতিৰ এনে দুখীয়া ছাত্ৰ-ছাত্ৰীৰ বাবে আগবঢ়োৱা এনে কল্যাণকামী উদ্যোগৰ বাবে অঞ্চলটোৰ ৰাইজে তেওঁলোকৰ শলাগ লয়।