গোৰেশ্বৰৰ মহৰিপাৰা দৈনিক আৰু সাপ্তাহিক বজাৰৰ কদৰ্য্যময় ৰূপ

গোৰেশ্বৰঃ গোৰেশ্বৰৰ মহৰিপাৰা দৈনিক আৰু সাপ্তাহিক বজাৰৰ কদৰ্য্যময় ৰূপ৷ বোকা পানীৰে ভৰিছে মহৰিপাৰা বজাৰ৷ চিন্তাত পৰিছে ব্যৱসায় কৰি পৰিয়াল পোহপাল দিয়া ব্যৱসায়ীসকল৷ বছৰি নিবিদা হোৱা বজাৰখনৰ প্ৰতি কাণসাৰ নাই নিবিদা আদায়কাৰীৰ৷ ফলত দুঃচিন্তাত পৰিছে বজাৰ সমিতিৰ লগতে মহলদাৰসকল৷

বজাৰখনৰ কদৰ্য্য ৰূপে উদঙাইছে স্বচ্ছ ভাৰতৰ ফোপোলাস্বৰূপ৷ উক্ত বজাৰখনৰ বজাৰ সমিতিয়েও স্থানীয় প্ৰতিনিধিক অৱগত কৰি পোৱা নাই সুফল৷ সেয়ে এতিয়া ব্যৱসায়ীসকলে নিৰ্ভৰ কৰে বতৰক৷ এজাক বৰষুণ দিলে মূৰে কপালে হাত দিয়ে ব্যৱসায়ীসকলে৷