মানকাচৰত নিচাজাতীয় দ্ৰব্যসহ সৰবৰাহকাৰী আটক

দক্ষিণ শালমাৰাঃ মানকাচৰ জিলাৰ মানকাচৰৰ থানাৰ ভাৰপ্ৰাপ্ত বিষয়া বিনোদ দাসৰ নেতৃত্বত এক গোপন সুত্ৰৰ পম খেদি কুচনিমাৰা অঞ্চলৰ সাবদাৰউদ্দিনৰ পুত্ৰ আকবৰ আলীৰ ঘৰত যোৱা নিশা এক অভিযান চলায়। অভিযানকাৰী দলটোৱে নিচাজাতীয় চিৰাপৰ বটল ৪ টা, ২৩x৮=১৮৪ টা Spas primevon টেবলেট, ইঞ্জেকচন Akswin ১৫ টাৰ সৈতে আকবৰ আলীক আটক কৰিবলৈ সক্ষম হয়।

দীৰ্ঘদিনৰ পৰাই আকবৰে নিচাজাতীয় সামগ্ৰী বিক্ৰী কৰাৰ লগতে নিজেও ইঞ্জেকচন লৈ আহিছিল। এই নিচাজাতীয় দ্ৰব্য জব্দ সন্দৰ্ভত মানকাচৰ থানাত এক গোচৰ ৰুজু কৰি আইনি প্ৰক্ৰিয়া আৰম্ভ কৰিছে বুলি জানিব পৰা গৈছে।