আমগুৰিত প্ৰজ্ঞাৰ অন্তৰীক্ষ শীৰ্ষক সাহিত্য অনুষ্ঠান

আমগুৰিঃ শিৱসাগৰ জিলা সাহিত্য সভাৰ আকাশ উপ-সমিতিৰ উদ্যোগত আমগুৰি শাখা সাহিত্য সভাৰ সহযোগত আজি আমগুৰিত প্ৰজ্ঞাৰ অন্তৰীক্ষ নামৰ সাহিত্য অনুষ্ঠান আৰু মুকলি সভা অনুষ্ঠিত হয়। আমগুৰি ৰাজহুৱা ভৱনত অনুষ্ঠিত মুকলি সভাৰ সভাপতিত্ব কৰে অসম সাহিত্য সভাৰ আকাশ উপ সমিতিৰ কাৰ্যকৰী সভাপতি সুবৰ্ণ শইকীয়া বৰদলৈয়ে।

অসম সাহিত্য সভাৰ কেন্দ্ৰীয় সমিতিৰ সভাপতি ড° পৰমানন্দ ৰাজবংশী মুখ্য অতিথি হিচাপে উপস্থিত থকা মুকলি সভাত অসম সাহিত্য সভাৰ যোৰহাট কেন্দ্ৰীয় কাৰ্যালয়ৰ সম্পাদক ৰমানন্দ বৰা, অসম সাহিত্য সভাৰ কুঁহিৰ কাৰ্যকৰী সভাপতি যোগ গগৈ উপস্থিত থাকে। আনহাতে অসম সাহিত্য সভাৰ আকাশ উপ সমিতিৰ আহ্বায়ক জেউতী হাজৰিকাই উদ্বোধন কৰা সভাতে মহিলাসকলে কবিতা পাঠ, আই নাম, বিয়ানাম আদি পৰিৱেশন কৰে।