দেৰগাঁওঃ দেৰগাঁও বিধান সভা সমষ্টিৰ অন্যতম অগ্ৰনী শিক্ষানুষ্ঠান গৰুমৰা উচ্চ মাধ্যমিক বিদ্যালয়ত অনুষ্ঠিত হোৱা এক গাম্ভীয্যপূৰ্ণ সভাত প্ৰয়াত ২০১৯ বৰ্ষৰ শিক্ষাবিদ পদ্মধৰ বৰা স্মাৰক বঁটা প্ৰদান কৰা হয়। বিদ্যালয় পৰিচালনা সমিতিৰ সভাপতি মানিক চন্দ্ৰ বৰাৰ সভাপতিত্বত অনুষ্ঠিত মুকলি সভাত ২০১৯ বৰ্ষৰ হাইস্কুল শিক্ষান্ত পৰীক্ষাত অসমীয়া বিষয়ত বিদ্যালয়ৰ ভিতৰতে সৰ্ব্বোচ্চ নম্বৰ লাভ কৰা মনিষা বৰাক এই স্মাৰক বঁটা প্ৰদান কৰে প্ৰয়াত পদ্মধৰ বৰাৰ পুত্ৰ সাংবাদিক ৰাতুল বৰাই।
এই সভাতে ঘনকান্ত হাজৰিকা ন্যাস প্ৰদান কৰা হয় মনিষা বৰাক, গনিত বিষয়ত সৰ্ব্বোচ্চ নম্বৰ লাভ কৰা আদিত্য ৰঞ্জন বৰাক তিলেশ্বৰ বৰা শৈক্ষিক বঁটা আৰু ইংৰাজী বিষয়ত সৰ্ব্বোচ্চ নম্বৰ লাভ কৰা জিণ্টুমনিক সোণটি বৰা সোঁৱৰণি বৰা প্ৰদান কৰা হয়।
মুকলি সভাত বিশিষ্ট অতিথি হিচাপে যোৰহাট প্ৰিন্স অব ৱেলচ অভিযান্ত্ৰিক প্ৰতিষ্ঠানৰ অধ্যাপক দণ্ডধৰ হাজৰিকা, অৱসৰপ্ৰাপ্ত প্ৰধান শিক্ষক দুৰ্লভ বৰা, দিলিপ কুমাৰ বৰা, সাংবাদিক ৰাতুল বৰাই ভাষণ প্ৰদান কৰে। বিদ্যালয়ৰ প্ৰধান শিক্ষক দেৱজিত পাত্ৰই আঁত ধৰা সভাখনত অন্যান্য দিশত পাৰদৰ্শিতা প্ৰদৰ্শন কৰা ছাত্ৰ-ছাত্ৰীসকলকো মানপত্ৰ প্ৰদান কৰা হয়।
