লংকা আৰক্ষীৰ জালত ধৃত চাৰি ডকাইত

লংকাঃ  হোজাই জিলাৰ লংকা আৰক্ষীয়ে এক গোপন সূত্ৰৰ পম খেদি শনিবাৰে নিশা ডবকাৰ মদাৰতলিৰ পৰা চাৰি দুৰ্ধৰ্ষ ডকাইতক এখন বাইকসহ আটক কৰে।  উল্লেখ্য যে, যোৱা ২৫ জুলাইত লংকাৰ ভালুকমাৰীৰ ৫৪ নং ঘাইপথত এক দিন ডকাইতিৰ ঘটনা সংঘটিত হৈছিল। নিমাই নন্দী নামৰ লোক এজনৰ পৰা ১৬ হেজাৰ টকাৰ লগতে তেওৰ গাড়ীৰ নথি-পত্ৰ ডকাইতৰ দলটোৱে লুট কৰি নিছিল। তেওঁৰ AS 02BC 3892 নম্বৰ গাড়ীখনত লংকাৰ পৰা উঠি অহা দুই ব্যক্তিয়ে পিষ্টল দেখুৱাই সংঘটিত কৰিছিল ডকাইতি।

এই সন্দৰ্ভত লংকা আৰক্ষী থানাত পঞ্জীয়ন হৈছিল 392/19 নং গোচৰ। উক্ত গােচৰৰ অভিযান চলাই লংকা আৰক্ষীয়ে ডকাইত চাৰিজনক আটক কৰিবলৈ সক্ষম হয়। ধৃত চাৰি ডকাইত ক্ৰমে- হবিবুৰ ৰহমান, ইছৰাইল আলী, আমিনুল হক আৰু কামালউদ্দিন বুলি জানিব পৰা গৈছে।