সদৌ অসম সান্তাল সন্থাৰ(এছু) উদ্যোগত কচুগাঁৱত জাতীয় সংহতি দিৱস উদযাপন

গোসাইগাঁওঃ সমগ্ৰ দেশৰ লগতে সদৌ অসম সান্তাল ছাত্র সন্থাটোৱেও আজি গোসাঁইগাঁও মহকুমাৰ অন্তৰ্গত কচুগাঁও পাব্লিক উচ্চতৰ মাধ্যমিক বিদ্যালয় খেলপথাৰত আদিবাসীৰ জাতীয় সংহতি দিৱস উদযাপন কৰে। উক্ত অনুষ্ঠানৰ কাৰ্য্যসূচীমৰ্মে গোসাঁইগাঁও জিলা এছুৰ সভাপতি ৰমেশ মুৰ্মুৱে ৰাতিপুৱা ৮ বজাত সাংগঠনিক পতাকা উত্তোলন কৰে।

দ্বিতীয়তে ৯.৩০ বজাত সাংস্কৃতিক শোভাযাত্ৰাৰ অন্তত এখন মুকলি সভাৰ আয়োজন কৰে। ছাত্র সন্থাটোৰ বিভিন্ন নেতাৰ উপৰিও মূখ্য অতিথি হিচাপে বিশিষ্ট সান্তাল সাহিত‍্যিক দীনেশ বাছকে উপস্থিত থাকি সান্তাল জনগোষ্ঠীটোয়ে বিগত বহুত বছৰ ধৰি ভূগা বিভিন্ন সমস্যাৰ ওপৰত বিশেষ ভাষণৰ যোগেদি কেন্দ্ৰীয় তথা অসম চৰকাৰক জনজাতিকৰণক লৈ ৰাজনীতি বন্ধ কৰি শীঘ্ৰেই সমাধানৰ দাবী কৰে।