নগাঁৱত কৃতি ছাত্ৰ-ছাত্ৰীক সম্বৰ্ধনা আমছুৰ

জুৰীয়াঃ সদৌ অসম ছাত্ৰ ইউনিয়ন চমুকৈ আমছুৱে দেওবাৰে নগাঁৱৰ হাজী আব্দুছ ছামাদ মেম'ৰীয়েল জুনিয়ৰ কলেজত আমছুৰ নগাঁও জিলা সমিতিৰ সহযোগত এক সম্বৰ্ধনা অনুষ্ঠান অনুষ্ঠিত কৰে৷ অনুষ্ঠানত শতাধিক কৃতি ছাত্ৰ-ছাত্ৰীক ফুলাম গামোচা, সম্বৰ্ধনা পত্ৰ আৰু একোটাকৈ গছ পুলিৰে সম্বৰ্ধনা জনাই সংগঠনটোৱে।

অনুষ্ঠানত অংশ লৈ আমছুৰ কেন্দ্ৰীয় সমিতিৰ সাধাৰণ সম্পাদক মোশ্বাৰফ হুছেইন কবিৰে কয় যে সমাজৰ পৰা অসামাজিক কাৰ্য নিৰ্মূলৰ ভাবে আমছু সদায় প্ৰতিশ্ৰুতিবদ্ধ। লগতে উঠি অহা ছাত্ৰ-ছাত্ৰীক ভবিষ্যতে দেশ মাতৃৰ হৈ কাম কৰি যাবলৈ আহ্বান জনায়।