তেজুত অসমৰ পৰা ফুৰিবলৈ যোৱা যুৱকৰ দলৰ ভয়ংকৰ পথ দুৰ্ঘটনা

কাকপথাৰঃ কাকপথাৰ আৰু দুলিয়াজনৰ পৰা যোৱা এটা যুৱকৰ দলৰ অৰুণাচলৰ তেজুত ভয়ংকৰ পথ দুৰ্ঘটনা সংঘটিত হয়৷ জানিব পৰা মতে কাকপথাৰ আৰু দুলিয়াজনৰ পৰা ১৫-২০ খন বাইকেৰে তেজুলৈ ফুৰিবলৈ গৈছিল এটা যুৱকৰ দল৷ তাতে স্থানীয় এজন ব্যক্তিৰ সৈতে দুৰ্ঘটনাত পতিত হয় দলটো৷ দুৰ্ঘটনাটোত স্থানীয় লোক এজনৰ ঘটনা স্থলীতে মৃত্যু হয়।

উত্তেজিত হৈ স্থানীয় ৰাইজে প্ৰায় ৫ খনকৈ বাইক জ্বলাই দিয়ে। প্ৰায় ১০ জন যুৱক অৰুণাচলৰ তেজুত আবদ্ধ হৈ আছে বুলি জানিব পৰা গৈছে৷ তাৰে এজন জনতা আৰু আন এজন নৱজ্যোতি মৰান বুলি জানিব পৰা গৈছে৷