নাজিৰাঃ শিৱসাগৰ জিলাৰ অন্তৰ্গত হাঁহচৰা প্ৰেছ ক্লাৱৰ প্ৰতিষ্ঠা দিৱস অহা ৯ জুলাইত বিস্তৃত কাৰ্যসূচীৰে অনুষ্ঠিত হ’ব। পুৱা চফাই কাৰ্যসূচীৰ পিছতেই বৃক্ষৰোপণ, পতাকা উত্তোলন, ছাত্ৰ-ছাত্ৰীসকলৰ মাজত চিত্ৰাংকণ, ইংৰাজী আৰু অসমীয়াত সাধু কোৱা প্ৰতিযোগিতা, থলীতে উদ্ভাৱনী কাৰিকৰী প্ৰতিযোগিতা, কুইজ আৰু বাতৰি পৰিৱেশন প্ৰতিযোগিতা অনুষ্ঠিত হ’ব।
দুপৰীয়া মহিলাৰ উদ্যোগত অন্তৰংগ আলাপ, আলেচনা চক্ৰ আৰু মুখপত্ৰ উন্মোচন, বঁটা বিতৰণী আৰু নৰ্থ ইষ্ট পিপুলচ ৰাইট (এন জি অ')ৰ সহযোগত খেলৰ সামগ্ৰী বিতৰণ কৰা হ’ব। সন্ধিয়া বাৰেৰহনীয়া সাংস্কৃতিক অনুষ্ঠানৰ লগতে গীতৰ শৰাই আগবঢ়াব বহুকেইজন শিল্পীয়ে। আলোচনা চক্ৰত অসমৰ বহুকেইজন বিশিষ্ট সাংবাদিক আৰু নিবন্ধকাৰে অংশগ্ৰহণ কৰিব বুলি হাঁহচৰা প্ৰেছ ক্লাবৰ সভাপতি ব্ৰজেন ফুকন আৰু সম্পাদক দেৱজ্যোতি বৰুৱাই জানিবলৈ দিছে। প্ৰতিষ্ঠা দিৱসৰ সকলো কাৰ্যসূচীত ৰাইজৰ সহায় সহযোগিতা কামনা কৰিছে উদযাপন সমিতিয়ে। অধিক জানিবৰ বাবে ৭০০২২১০৫৬৩/৯৪৩৫৭১৭৭০০/৯১০১৬২৭৮৪১ যোগাযোগ কৰিব পাৰিব।
