লংকাঃ হোজাই জিলাৰ লংকাৰ ৫৪ নং ৰাষ্ট্ৰীয় ঘাইপথৰ ফৰেষ্ট গেটৰ সমীপত সোমবাৰে নিশা উদ্ধাৰ হয় এগৰাকী যুৱতী। উদ্ধাৰ হোৱা যুৱতীগৰাকী নগাঁৱৰ অঞ্জুমা বেগম বুলি জানিব পৰা গৈছে।
যুৱতী গৰাকী ভাষ্য অনুসৰি জানিব পৰা মতে লংকাৰ নতুন বজাৰৰ যুৱক মকছিদুল আৰু আন এজন যুৱকে অঞ্জুমা বেগমক আবেলি ৩ মান বজাত টাটাচুমু গাড়ীত লংকালৈ লৈ আহে আৰু লংকাৰ ৫৪নং ৰাষ্ট্ৰীয় ঘাইপথৰ ফৰেষ্ট গেটৰ সমীপত যুৱতীগৰাকীক অকলশৰে এৰি দুই যুৱক অন্তৰ্ধান হয়| পিছত স্থানীয় ৰাইজে উদালী আৰক্ষীক খৱৰ দিয়াত লংকাৰ ফৰেষ্ট গেটৰ সমীপৰ পৰা যুৱতীগৰাকীক উদ্ধাৰ কৰি ডৱকাৰ মহিলা জিৰণী গৃহলৈ প্ৰেৰণ কৰে|
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।