গাৰো পাহাৰত ব্যৱসায়ীক অপহৰণৰ চেষ্টাঃ দুৰ্বৃত্তৰ গুলীচালনা

মানকাচৰঃ মেঘালয়ৰ পশ্চিম গাৰো পাহাৰ জিলাৰ ফুলবাৰীৰ চিবিনাঙত মঙলবাৰৰ নিশা এগৰাকী ব্যৱসায়ীক অপহৰণৰ চেষ্টা চলায়। অপহৰণ কৰাত ব্যৰ্থ হোৱাত ব্যৱসায়ীলৈ দুৰ্বৃত্তৰ গুলীচালনা কৰে। অতৰ্কিতে কৰা গুলীচালনাত আহত হয় ব্যৱসায়ীগৰাকী। জানিব পৰা মতে আহত ব্যৱসায়ীগৰাকী ফুলবাৰী থানাৰ অন্তৰ্গত কালাপানী গাঁৱৰ শ্বাহ আলম আকন্দৰ পুত্ৰ ৰেহান আকন্দ।

চিবিনাং বজাৰৰ দোকান বন্ধ কৰি নিশা বাইকেৰে ঘৰলৈ আহিছিল পিতা-পুত্ৰ। বাইকত অহা দুগৰাকী দুৰ্বৃত্তই ব্যৱসায়ীদ্বয়ক ৰখাই এগৰাকী ব্যৱসায়ীক অপহৰণৰ চেষ্টা কৰে। অপহৰণত ব্যৰ্থ হৈ দূুৰ্বৃত্তই পিস্তলেৰে গুলীয়ায় ৰেহান নামৰ ব্যাৱসায়ীগৰাকীক। সম্প্ৰতি ব্যৱসায়ীগৰাকী সংকটজনক অৱস্থাত গোৱালপাৰাত চিকিৎসাধীন হৈ আছে।