গোসাইগাঁওঃ গোসাইগাঁও মহকুমাৰ অন্তৰ্গত জাৰাগুৰি উচ্চতৰ মাধ্যমিক বিদ্যালয়ৰ খেলপথাৰত মঙলবাৰে শিক্ষক সন্মিলনীৰ অষ্টম দ্বিবাৰ্ষিক সভাৰ অনুষ্ঠিত হয়। উক্ত অনুষ্ঠানৰ কাৰ্যসূচী মৰ্মে পুৱা ৮ বজাত তুলসী কুমাৰ দাস (সভাপতি মহকুমা প্ৰাথমিক শিক্ষা সন্মিলনী)ৰ দ্বাৰা সাংগঠনিক পতাকা উত্তোলনৰ পিছত শ্বহীদ তৰ্পন, প্ৰতিনিধি পঞ্জীয়ন, বৃক্ষ ৰোপণ আদি কাৰ্যসূচী ৰূপায়ণ কৰা হয়।
অনুষ্ঠানটোৰ মুখ্য অতিথি হিচাপে উপস্থিত থাকে অসম ৰাজ্যিক প্ৰাথমিক শিক্ষক সন্মিলনী উপ-সভাপতি সুব্ৰতা ধৰ। জাৰাগুৰি উচ্চতৰ মাধ্যমিক বিদ্যালয়ৰ অধ্যক্ষ আব্দুল হাকিম তাৰফদাৰৰ সভাপতিত্বত অঞ্চলটোৰ চুকে-কোনে সিচঁৰতি হৈ থকা বিভিন্ন প্ৰাথমিক বিদ্যালয়ৰ প্ৰায় ১ হেজাৰ শিক্ষকৰ উপস্থিতিত শিক্ষক সমাজৰ বিভিন্ন সমস্যাৰাজিৰ সমাধনাৰ্থে এক বিতং আলোচনা কৰা হয়। লগতে শিক্ষকৰ আধুনিকীকৰণত শিক্ষকৰ ভূমিকা সম্পৰ্কে এক গুৰুত্বপূৰ্ণ পৰ্যালোচনা কৰা হয়।
