গুৱাহাটীঃ গুৱাহাটীৰ সাহিত্য সভা ভৱনত এক গাম্ভীৰ্যপূৰ্ণ অনুষ্ঠানত প্ৰেমকান্ত হাজৰিকাৰ কাব্যগ্ৰন্থ "সেন্দূৰীয়া সপোন" শুভ উন্মোচন হৈ যায়। ৰূপকোঁৱৰ জ্যোতিপ্ৰসাদ আগৰৱালাদেৱৰ এটি কবিতাৰে অনুষ্ঠানৰ শুভ আৰম্ভণি কৰে আৰ্য্য মহাবিদ্যালয়ৰ ৰাজনীতি বিজ্ঞান বিভাগৰ ছাত্ৰী কস্তুৰী দাসে।
অসম সাহিত্য সভাৰ সভাপতি ড° পৰমানন্দ ৰাজবংশীয়ে ‘সেন্দূৰীয়া সপোন’ কাব্যগ্ৰন্থখনি শুভ উন্মোচন কৰি কবিতাপুথিখনত সৰলৰৈখিক সমাজ জীৱনৰ বাস্তৱ প্ৰতিচ্ছবি অংকিত হোৱা বুলি ভাষণ প্ৰসংগত উল্লেখ কৰাৰ লগতে কবি গৰাকীক শুভেচ্ছা জ্ঞাপন কৰে।
উক্ত গাম্ভীৰ্য্যপুৰ্ণ অনুষ্ঠানত উপস্থিত থাকে বিশিষ্ট আমন্ত্ৰিত অতিথি প্ৰাক্তন আই.পি.এচ. বিষয়া ফটিক দত্ত গোস্বামী, ঔপন্যাসিক ৰুমী লস্কৰ বৰা, দীনবন্ধু চহৰীয়া, সাংবাদিক কমল কুমাৰ, অসীম ভাগৱতী, অঙ্কিতা কাকতি দাসৰ উপৰিও ‘সেন্দূৰীয়া সপোন’ কাব্যপুথিখনৰ প্ৰকাশিকা কাজুৰী দাসৰ লগতে বহুকেইজন কাব্যপ্ৰেমী৷
