দলগাঁৱত কিশােৰৰ সলিল সমাধি

দৰঙঃ দৰঙৰ দলগাঁৱত পুখুৰীত গা ধুবলৈ গৈ মৃত্যু হয় এজন কিশােৰৰ। দলগাঁও মাদ্ৰাছাৰ পুখুৰীত সমনীয়াৰ সৈতে গা ধুবলৈ গৈ ভৰি পিছলি পুখুৰীৰ দ' পানীত পৰে অক্ষয় বসাক (১৩) নামৰ কিশােৰজন। পানীৰ তলৰ পৰা উঠি নহাত লগৰজনে মাদ্ৰাছাৰ ছাত্ৰক জনায়। লগে লগে দুজন ছাত্ৰই পুখুৰীত নামি পানীৰ তলৰপৰা উদ্ধাৰ কৰি কিশােৰজনক হস্পিতাললৈ নিয়ে যদিও চিকিৎসকে মৃত বুলি ঘোষণা কৰে। কিশােৰজনৰ মৃত্যুত অঞ্চলটােত শোকৰ ছাঁ পৰিছে।