বিজনীত ড্ৰাগছসহ বিক্ৰেতা আটক

বিজনীঃ চিৰাং জিলাৰ বিজনীৰ মংগোলীয়ান বজাৰত বৃহস্পতিবাৰে নিশা আৰক্ষীৰ অভিযানত এটা ড্ৰাগছ বিক্ৰেতা গ্ৰেপ্তাৰ হয়। বিক্ৰেতাটো বিজনীৰ কাৱাটিকাৰ ৰবিউল আৱাল (১৯)বুলি জানিব পৰা গৈছে। বিক্ৰেতাটোৰ পৰা ড্ৰাগছভৰ্তি কণ্টেইনাৰ ২ টা, নগদ ৯০০ টকা, AS-19 D 3901 নম্বৰৰ ডিস্ক’ভাৰ মটৰচাইকেল এখন, মোবাইল হেণ্ডচেট 2 টা জব্দ কৰে আৰক্ষীয়ে।

বিজনী মহকুমা আৰক্ষী বিষয়া প্ৰকাশ মেধীৰ নেতৃত্বত আৰক্ষীৰ এটা দলে অতৰ্কিতে অভিযান চলাই মংগোলীয়ান বজাৰত বিক্ৰীৰ বাবে গৈ থকা অৱস্থাত হাতে-লোটে গ্ৰেপ্তাৰ কৰে ড্ৰাগছ বিক্ৰেতাটোক। পিছত জব্দকৃত সামগ্ৰীসহ ড্ৰাগছ বিক্ৰেতাটোক বিজনী থানালৈ লৈ আহে।