মঙলদৈত মহিলা বজাৰঃ আত্মসহায়ক গোটৰ অংশগ্ৰহণ

মঙলদৈঃ মঙলদৈত প্ৰথম বাৰৰ বাবে মহিলা বজাৰৰ শুভাৰম্ভ। মহিলাক স্বাৱলম্বী কৰাৰ উদ্দেশ্যে এই পদক্ষেপ। অসম ৰাজ্যিক নগৰীয়া জীৱিকা অভিযানৰ উদ্যোগত আৰু মঙলদৈ পৌৰ সভাৰ সহযোগত অনুষ্ঠিত হ’ল মহিলা বজাৰ। প্ৰতি শনিবাৰে অনুষ্ঠিত হ’ব লগা বজাৰৰ শুভ উদ্বোধন কৰে মঙলদৈৰ বিধায়ক গুৰুজ্যোতি দাসে।

বিধায়কগৰাকীৰ প্ৰচেষ্টাতে পোন প্ৰথমবাৰৰ বাবে সাপ্তাহিকভাবে অকল মহিলাৰ বাবে অনুষ্ঠিত হ’ল বজাৰ। প্ৰথম দিনাই প্ৰায় দুশ মহিলা আত্মসহায়ক গোটে অংশগ্ৰহণ কৰে। মহিলাৰ বজাৰত অসমীয়া সাজ-পাৰ, থলুৱা খাদ্যকে ধৰি বিভিন্ন সামগ্ৰীৰে ভৰি পৰে। বজাৰত প্ৰথম গ্ৰাহক হিচাপে বিধায়কগৰাকীয়ে কেইবা বিধো বস্তু ক্ৰয় কৰে।