যোৰাবাটৰ পথ দুৰ্ঘটনাত মৃত্যু কবি পৱন বৰ্মনৰ

গোৰেশ্বৰঃ যোৱানিশা প্ৰায় ৯ মান বজাত যোৰাবাটত সংঘটিত হয় এক পথ দুৰ্ঘটনা। গােৰেশ্বৰ গাছবাৰীৰ ব্যৱসায়ী তথা কবি পৱন বৰ্মনৰ এই পথ দুৰ্ঘটনাত মৃুত্যু হয়।

জানিব পৰা মতে পৱন বৰ্মনৰ মাক কিছুদিন আগতে বিশেষ চিকিৎসাৰ বাবে স্বাগতম হস্পিতালত চিকিৎসাধীন হৈ আছিল। মাকৰ খবৰ ল’বলৈ গৈ কিবা বিশেষ কাম এটাৰ কাৰণে বাহিৰে বাহিৰে যোৰাবাটলৈ গৈছিল বৰ্মন।

যোৰাবাটৰ পৰা হস্পিতাললৈ উভতি অহা পথত আকস্মিক দুৰ্ঘটনাত পতিত হৈ মৃত্যুক আকোৱালি লয় পৱন বৰ্মনে। দুৰ্ঘটনাগ্ৰস্ত স্কুটিখনৰ নম্বৰ হ’ল- AS-25-K-5317। কবিজনৰ মৃত্যুত অঞ্চলটােত গভীৰ শোকৰ ছাঁ‌ পৰে।