যোৰহাটত চিত্ৰকলা-হস্তশিল্পৰ কৰ্মশালা সম্পন্ন

যোৰহাটঃ যোৰহাটৰ অগ্ৰণী সামাজিক আৰু সাংস্কৃতিক অনুষ্ঠান 'দিশ'ৰ সৌজন্যত, শিক্ষাবিদ প্ৰাণনাথ ফুকনৰ সোঁৱৰণত ২ জুলাইৰ পৰা ৯ জুলাইলৈ কৃষিলয়া প্ৰাথমিক বিদ্যালয় আৰু আঁঠুভঙা প্ৰাথমিক বিদ্যালয়ৰ চৌহদত চিত্ৰকলা আৰু হস্তশিল্পৰ কৰ্মশালা সম্পন্ন হয়।

কৰ্মশালাৰ সামৰণিত আয়োজন কৰা চিত্ৰাংকণ প্ৰতিযোগিতাত যোৰহাটৰ বিভিন্ন বিদ্যালয়ৰ প্ৰায় শতাধিক ছাত্ৰ-ছাত্ৰীয়ে অংশগ্ৰহণ কৰে। অনুষ্ঠানত 'ক' শাখাৰ শ্ৰেষ্ঠ প্ৰতিযোগী গায়ত্ৰী বৰা, 'খ ' শাখাৰ শ্ৰেষ্ঠ প্ৰতিযোগী ত্ৰিদিশা বৰা, 'গ' শাখাৰ শ্ৰেষ্ঠ প্ৰতিযোগী বৰষা বৰঠাকুৰক একোখন প্ৰমাণ পত্ৰ, একোটা ট্ৰফী আৰু কিতাপৰ টোপোলাৰে অভিনন্দন জনোৱাৰ লগতে কৰ্মশালাত অংশগ্ৰহণকাৰীসকলক একোখনকৈ মানপত্ৰ প্ৰদান কৰি উৎসাহিত কৰে।