মৰিগাঁও মিকিৰভেটাত ভুৱা প্ৰমাণপত্ৰ ব্যৱসায়ী আটক

মৰিগাঁওঃ মৰিগাঁও জিলাৰ মিকিৰভেটাত আজি আৰক্ষীয়ে পংকজ দাস নামৰ এজন ভুৱা প্ৰমাণপত্ৰ ব্যৱসায়ীক গ্ৰেপ্তাৰ কৰে। জানিব পৰা মতে পংকজ দাস নামৰ যুৱকজনে আজিৰ পৰা কিছুদিনৰ আগৰে পৰা বিভিন্ন লোকক কম্পিউটাৰ ভুৱা প্ৰমাণপত্ৰ দি বৃহৎ পৰিমাণৰ ধন ঘটি আছিল।

এই বিষয়ে আজি মিকিৰভেটা আৰক্ষী থানাত হিৰেন্দ্ৰ দাস নামৰ এজন ব্যক্তিয়ে মিকিৰভেটা আৰক্ষী থানাত গোচৰ দিয়াত মিকিৰভেটা আৰক্ষী থানা ভাৰপ্ৰাপ্ত আৰক্ষী বিষয়াই ভুৱা প্ৰমাণ পত্ৰ ব্যৱসায়ী পংকজ দাসক ততালিকে গ্ৰেপ্তাৰ কৰি আৰক্ষী থানালৈ লৈ আহে।