আজিৰে পৰা পুনৰ চলিব মাজুলী আৰু নিমাতীঘাটৰ মাজত ফেৰীসেৱা

যোৰহাট: মাজুলী আৰু নিমাতীঘাটৰ মাজত আজিৰে পৰা পুনৰ চলিব ফেৰীসেৱা। মাত্ৰ এখনহে ফেৰী চলিব মাজুলী আৰু নিমাতীঘাটৰ মাজত। পুৱা ৯ বজাত ফেৰীখন মাজুলীৰ পৰা আহিব নিমাতীঘাটলৈ আৰু বিয়লি ৩ বজাত নিমাতীঘাটৰ পৰা উভতিব মাজুলীলৈ।

কেৱল যাত্ৰীহে কঢ়িয়াই নিয়া হ’ব এই ফেৰীখনত। যান-বাহন কঢ়িয়াই নিয়াত নিষেধাজ্ঞা জাৰি কৰিছে আভ্যন্তৰীণ জল পৰিবহণ বিভাগে। লুইতৰ জলস্তৰ বৃদ্ধি পোৱাত ৭ দিন ধৰি মাজুলী–নিমাতীঘাটৰ মাজত বন্ধ হৈ আছিল ফেৰীসেৱা।