কলিয়াবৰৰ মিছাত শোকাৱহ পথ দুৰ্ঘটনাত নিহত দুজন

কলিয়াবৰঃ পুৱতি নিশা কলিয়াবৰৰ মিছাত শোকাৱহ পথ দুৰ্ঘটনাত নিহত হয় ২জনকৈ লোক। জানিব পৰা অনুসৰি ৩৭ নং ৰাষ্ট্ৰীয় ঘাইপথত ৰৈ থকা এখন ট্ৰাকত পিচফালৰ পৰা খুন্দা মাৰে কলিয়াবৰৰ পৰা নগাঁও অভিমুখী এখন টাটা মেজিক বাহনে। ফলত দুৰ্ঘটনাটোত থিতাতে নিহত হয় মেজিক বাহনখনৰ চালকৰ সৈতে সন্মুখৰ আসনত বহি যোৱা নিজামুদ্দিন আহমেদ নামৰ নগাঁও জিলাৰ আৰক্ষী কনিস্তবল গৰাকী।

দুৰ্ঘটনাগ্ৰস্ত মেজিক বাহনখনৰ নম্বৰ AS-02BC-8842। আনহাতে দুৰ্ঘটনা সংঘটিত হোৱা খবৰ লাভ কৰা মাত্ৰকে মিছা আৰক্ষীৰ এটি দল ঘটনাস্থলীত উপস্থিত হৈ নিহত লোকজনক উদ্ধাৰ কৰি মৰুণোত্তৰ পৰীক্ষাৰ ব্যৱস্থা কৰিছে। অৱশ্যে দুৰ্ঘটনাটো কিদৰে সংঘটিত হ'ল সেইকথা এতিয়াও পোহৰলৈ অহা নাই যদিও চালকে নিয়ন্ত্ৰণ হেৰুৱাৰ ফলতে দুৰ্ঘটনাটো সংঘটিত হোৱাৰ আশংকা প্ৰকাশ কৰিছে মিছা আৰক্ষীয়ে।