বৰপেটাৰ বাঘবৰত বানৰ সমান্তৰালকৈ খহনীয়াৰ ভয়াৱহ ৰূপ

নগৰবেৰা: বৰপেটাৰ বাঘবৰত বানৰ সমান্তৰালকৈ ভয়াৱহ ৰূপ ধাৰণ কৰিছে ব্ৰহ্মপুত্ৰৰ খহনীয়াই। বাঘবৰৰ উত্তৰ সুখোৱাৰঝাৰ গাঁৱৰ ২ আৰু ৩ নং খণ্ডত ব্ৰহ্মপুত্ৰৰ খহনীয়াই ইতিমধ্যে আতংকৰ সৃষ্টি কৰিছে। খহনীয়াৰ কৱলত পৰা শতাধিক পৰিয়ালে ঘৰ দুৱাৰ এৰি কোনোমতে প্ৰাণ লৈ অইন ঠাইলৈ স্থানান্তৰিত হোৱাৰ উপৰি শতাধিক পৰিয়াল এতিয়া নিজৰ ঘৰ দুৱাৰ ভঙাত ব্যস্ত।

প্ৰকৃতিৰ এই দুৰ্যোগত এতিয়া দিশহাৰা হৈ পৰিছে অঞ্চলটোৰ শতাধিক পৰিয়াল। বানৰ সময়তে ব্ৰক্ষ্মপুত্ৰৰ খহনীয়াই কালৰূপ ধাৰণ কৰাৰ পিছতো ঘটনাস্থলীত উপস্থিত হোৱা নাই প্ৰশাসনৰ কোনো লোক। উদ্ধাৰকাৰী দল নথকাত বিপাঙত পৰিছে বন্যাৰ্ত জনতা। শীঘ্ৰে ঘটনাস্থলীত অতিৰিক্ত নাও আৰু উদ্ধাৰকাৰী SDRF ৰ দল প্ৰেৰণ কৰিবলৈ অনুৰোধ জনাইছে পীড়িত লোকসকলে।