নলবাৰীত তিনিখনকৈ হেলিকপ্টাৰৰ অৱতৰণঃ কিন্তু কিয়?

নলবাৰীঃ নলবাৰীৰ কৈঠালকুছি হাইস্কুল খেলপথাৰত ভাৰতীয় সেনাৰ এখন হেলিকপ্টাৰ জৰুৰী ভাৱে অৱতৰণ। যান্ত্ৰিক বিজুটিৰ বাবে এই অৱতৰণ। যান্ত্ৰিক বিজুটি ঘটাৰ ফলত পাইলটে কৈঠালকুছিত হেলিকপ্টাৰখন জৰুৰী ভাবে অৱতৰণ কৰোৱাত নিশ্চিত বিপদৰ পৰা ৰক্ষা পৰে হেলিকপ্টাৰসহ পাইলট আৰু সেনাৰ দলটো।

উল্লেখযোগ্য মিচামাৰীৰ পৰা আহিছিল হেলিকপ্টাৰখন। ইতিমধ্যে উদ্ধাৰৰ বাবে আহিছে আন দুখন হেলিকপ্টাৰ। এতিয়ালৈ যান্ত্ৰিক বিজুটি ঠিক হোৱা নাই হেলিকপ্টাৰখনৰ। তিনিখনকৈ হেলিকপ্টাৰক চাবলৈ স্থানীয় লোকৰ ভিৰ পৰিলক্ষিত হোৱা দেখা পোৱা গৈছে।