যোগীঘোপা কাবাইটাৰীৰ যুৱ ব্যৱসায়ীৰ দলৰ খাদ্য বিতৰণ

যোগীঘোপাঃ বঙাইগাঁও জিলাৰ বইটামাৰী ৰাজহ চক্ৰৰ অন্তৰ্গত যোগীঘোপাৰ বিভিন্ন স্থানত প্ৰলয়ংকাৰী বানত ক্ষতিগ্ৰস্ত হোৱা বানাক্ৰান্ত লোকৰ মাজত আজি যোগীঘোপা কাবাইটাৰীৰ যুৱ ব্যৱসায়ীৰ এটি দলে খাদ্য বিতৰণ কৰে।

যুৱ ব্যৱসায়ীৰ দলটোৱে যোগীঘোপাৰ ঔডুবী, পূৱ মাজেৰ আলগা, পশ্চিম মাজেৰ আলগা আদি পঞ্চায়ত পৰিদৰ্শন কৰি বানত ককবকাই থকা বানাক্ৰান্ত লোকসকলৰ খবৰ লয়| দলটোৱে বানত আৱদ্ধ হৈ থকা বানাক্ৰান্ত লোকসকলৰ লগতে বিভিন্ন শিবিৰত বানাক্ৰান্ত লোকসকলক খাদ্যৰ যোগান ধৰে।