খোৱাঙত ভয়ংকৰ পথ দুৰ্ঘটনা

খোৱাংঃ খোৱাঙত সংঘটিত হৈছে এক ভয়ংকৰ পথ দুৰ্ঘটনা। মাৰ্ঘেৰিটাৰ পৰা গোলাঘাট অভিমুখে আহি থকা এখন এএছটিচি (As 20-1509) বাছে নিয়ন্ত্ৰণ হেৰুৱাই দ খাৱৈত বাগৰি পৰে। খোৱাঙৰ গেমন দলঙৰ সমীপৰ ৩৭ নং ৰাষ্ট্ৰীয় ঘাইপথত সংঘটিত হোৱা দুৰ্ঘটনাটোত প্ৰায় ৩১ জনকৈ লোক গুৰুতৰভাৱে আহত হৈছে।

আহতসকলক ইতিমধ্যে খোৱাং প্ৰাথমিক স্বাস্থ্য কেন্দ্ৰ আৰু ডিব্ৰুগড়স্থ অসম চিকিৎসা মহাবিদ্যালয়লৈ প্ৰেৰণ কৰা হৈছে। পথৰ দুৰৱস্থাৰ বাবেই এই দুৰ্ঘটনা সংঘটিত হ'ল বুলি ৰাইজে জানিবলৈ দিছে।