বৰপেটাত শিশুৰ সলিল সমাধি

বৰপেটাঃ বৰপেটা জিলাত কালান্তক বানে প্ৰাণ ল’লে আৰু এজনৰ। জানিব পৰা মতে সৰুপেটা ৰাজহ চক্ৰৰ উত্তৰ বাংটি গাঁৱৰ ৮ বছৰীয়া এটি শিশুৱে কালি দিনৰ প্ৰায় ১১ বজাত দ পানীত পৰি কৰুণভাৱে মৃত্যুক আঁকোৱালি লয়। উত্তৰ বাংটি গাঁৱৰ মোঃ মুছলেম উদ্দিনৰ পুত্ৰ জেহেৰুল ইছলাম নাম শিশুটোৱে কলৰ ভুৰত উঠি নিজ ঘৰলৈ আহি থাকোতে পূৱ চাউলীয়াবড়ীত হঠাৎ কলৰ ভুৰৰ পৰা পিছলি দ পানীত পৰি মৃত্যু হয়।

ল’ৰাজনৰ মৃত্যুত বাংটি-চাউলীয়াবড়ী-সৰুপেটাত শোকৰ ছাঁ পৰিছে। জানিব পৰা মতে জেহেৰুলৰ কালিয়েই মৰনোত্তৰ পৰীক্ষা সম্পন্ন কৰি জানাজা সম্পন্ন কৰা হয়।