গৌৰীপুৰৰ মটেৰঝাৰৰ গদাধৰ নৈত মৃতদেহ উদ্ধাৰ

গৌৰীপুৰ: গৌৰীপুৰৰ মটেৰঝাৰৰ গদাধৰ নৈত মৃতদেহ উদ্ধাৰ৷ ধুবুৰী জিলাৰ গোলকগঞ্জ আৰক্ষী থানাৰ অন্তৰ্গত মটেৰঝাৰৰ ২৬ নং ৰে'লৱে দলঙৰ পৰা বৃহস্পতিবাৰে জপিয়াই আত্মহত্যা কৰে যুৱক এজনে৷ যুৱকজনৰ বয়স প্ৰায় ৩০ বছৰ। কালিৰ পৰা এচডিআৰএফ আৰু এনডিআৰএফয়ে অভিযান চলাই আহিছিল যদিও আজি মৃতদেহ পানীত ওপঙি উঠাত মৃতদেহটো উদ্ধাৰ কৰিবলৈ সক্ষম হয়৷

মৃতদেহটোৰ কোনো পৰিচয় এতিয়ালৈকে উদঘাটন হোৱা নাই৷ মৃত যুৱকজনে কলা ৰঙৰ পেণ্ট আৰু গেঞ্জী পিন্ধি আছে। পিছে অচিনাক্ত যুৱকজনক আৰক্ষীয়ে ধুবুৰী অসামৰিক চিকিৎসালয়লৈ মৰণোত্তৰ পৰীক্ষাৰ বাবে প্ৰেৰণ কৰে৷ আনহাতে যুৱকজনৰ আত্মহত্যাৰ কোনো কাৰণ জানিব পৰা হোৱা নাই৷