কলগাছিয়াঃ বৰপেটা জিলাৰ জনীয়া বিধানসভা সমষ্টিৰ বৰভিটা উপ আৰক্ষী চকীৰ অন্তৰ্গত দক্ষিণ বৰভিটাত আশ্ৰয় শিবিৰৰ পৰা এটি ৬ বছৰীয়া শিশু পানীত পৰি সন্ধানহীন হোৱা কণমানিটোৰ মৃতদেহ শুকুৰবাৰে সন্ধিয়া উদ্ধাৰ কৰা বুলি জানিব পৰা গৈছে। ঘটনাৰ বিৱৰণী অনুসৰি কেইদিনমান আগতে বানগ্ৰস্ত এটা পৰিয়ালে বানত ঘৰ-বাৰী হেৰুৱাই এটা বৰভিটাৰ এখন দলঙত আশ্ৰয় লৈছিল।
কিন্তু যোৱা বুধবাৰে দক্ষিণ বৰভিটা গাঁৱৰ আশ্ৰব আলীৰ পুত্ৰ আল-আমিন (৬) নামৰ কণমানিটো দলঙৰ পৰা হঠাৎ পানীত পৰি যায়। লগে লগে পৰিয়ালৰ লোক আৰু SDRF বাহিনীয়ে উদ্ধাৰ কৰিবলৈ চেষ্টা কৰিছিল কিন্তু উদ্ধাৰ কৰিবলৈ সক্ষম হোৱা নাছিল যদিও উদ্ধাৰ অভিযান কাৰ্য অব্যাহত আছিল। আজি স্থানীয় ৰাইজে উদ্ধাৰ কাৰ্য চলাই সন্ধিয়া ৬ বজাত হাতছাড়া দ'ৰ পৰা মৃতদেহটো উদ্ধাৰ কৰিবলৈ সক্ষম হৈছে। ইফালে মৃতদেহটো উদ্ধাৰৰ পিছতে শোকত ভাগি পৰিছে কণমানিটোৰ পিতৃ-মাতৃৰ লগতে অঞ্চলবাসী।
