বৰপেটাৰ কাদং হাইস্কুলত শিবিৰ পাতি থকা বানাক্ৰান্তৰ আৰ্তনাদ

জনীয়াঃ বৰপেটাৰ কাদং হাইস্কুলত শিবিৰ পাতি থকা বানাক্ৰান্তৰ আৰ্তনাদ। বৰপেটা সদৰৰ পশ্চিম প্ৰান্তৰ কাদং হাইস্কুলত বানত আক্ৰান্ত হৈ প্ৰায় ১০০ টা পৰিয়ালৰ প্ৰায় ৪০০ জন লোক শিবিৰ পাতি আছে। শিবিৰটো দেখিলে গা শিহৰি উঠিব। সম্প্ৰতি কুকুৰ-মেকুৰীৰ দৰে জীৱন যাপন কৰিব লগা হৈছে বিদ্যালয়খনত শিবিৰ পাতি থকা বানাক্ৰান্তসকলে।

খাদ্য সংকট, বিশুদ্ধ খোৱা পানীৰ অভাৱত ভূগিছে শিবিৰবাসী। অস্বাস্থ্যকৰ পৰিৱেশত থকাত দেখা দিছে বিভিন্ন বেমাৰ-আজাৰে। খৱৰ লোৱা নাই কোনো জিলা প্ৰশাসনৰ মানুহে। অহা নাই কোনো জনপ্ৰতিনিধি তথা চৰকাৰী পক্ষৰ মানুহ। এতিয়া শিবিৰত মাথোঁ হাহাকাৰ আৰু হাহাকাৰ।