মানকাচৰত ট্ৰাকৰ খুন্দাত নিহত এজন

মানকাচৰঃ মানকাচৰ আৰক্ষী থানাৰ সম্মুখত ট্ৰাকৰ খুন্দাত এগৰাকী ব্যক্তি নিহত হয়। জানিব পৰা মতে শনিবাৰে মানকাচৰৰ পুৰণি সাহা পাৰা গাঁৱৰ তথা মানকাচৰ কলেজৰ অৱসৰপ্ৰাপ্ত বড়বাবু শিব ৰঞ্জন সাহা(৭০) নামৰ ব্যক্তি এগৰাকী খোজকাঢ়ি মানকাচৰ আৰক্ষী থানাৰ সম্মুখেদি গৈ থকাৰ সময়ত মালবাহী ট্ৰাকে খুন্দা মাৰে।

যাৰ ফলত সাহা নামৰ ব্যক্তিগৰাকী থিতাতে নিহত হয়। স্থানীয় ৰাইজে ততাতৈয়াকৈ মানকাচৰ সমূহীয়া স্বাস্থ্য কেন্দ্ৰলৈ লোকজনক নিয়ে যদিও চিকিৎসকে মৃত্যু হোৱা বুলি ঘোষণা কৰে। পিছত সাহাৰ মৃতদেহটো মৰনোত্তৰ পৰীক্ষাৰ বাবে ধুবুৰীলৈ প্ৰেৰণ কৰে।