নলবাৰীত নৈৰ বাঢ়নী পানীয়ে বুৰালে বালিতাৰা অঞ্চল

নলবাৰীঃ নলবাৰীৰ বালিতাৰাত অথন্তৰ৷অঞ্চলটোৰ কাষেৰে যোৱা চেংনৈ তথা পাগলদিয়া নৈৰ বাঢ়নী পানীয়ে বুৰালে সমগ্ৰ অঞ্চলটো৷হঠাতে জলমগ্ন হ’ল অঞ্চলটো৷ নেৰানেপেৰা বৰষুণ আৰু ভূটান পাহাৰৰ পৰা নামি অহা পানীৰ ফলত নলবাৰীৰ প্ৰতিখন নৈ উপনৈৰ জলস্তৰ বৃদ্ধি হোৱাত কেইবাদিনো ধৰি জিলাখনৰ প্ৰায়বোৰ অঞ্চলে বানত প্লাৱিত হৈছে৷

চৰকাৰী তথ্যমতে জিলাখনৰ মুঠ ১৫০ খন গাঁও প্লাৱিত হৈছে বানত৷ কিন্তু নিশা হঠাতে চেংনৈ তথা পাগলদিয়া নৈৰ বাঢ়নী পানীয়ে কেইবাখনো গাঁও প্লাৱিত কৰাত পুনৰ ১২২ টা পৰিয়াল পানীৰ মাজত আবদ্ধ হৈ পৰে। আনকি নলবাৰী-ধমধমা পথৰ ওপৰৰে পানী বাগৰাৰ ফলত আতংকিত হৈ পৰিছে জনসাধাৰণ। এফালে নিশাই বালিতাৰা অঞ্চলৰ এই লোকসকলক সেনা বাহিনীৰ এটি দলে পানীৰ মাজৰ পৰা উদ্ধাৰ কৰি ওখ স্থানলৈ স্থানন্তৰ কৰে।