সৰুপথাৰৰ পথ দুৰ্ঘটনাত স্কুটী আৰোহী নিহত

সৰুপথাৰঃ গোলাঘাট জিলাৰ সৰুপথাৰৰ নাওঁজানত ভয়ংকৰ পথ দুৰ্ঘটনা। নাগালেণ্ডৰ তীব্রবেগী গাড়ীৰ খুণ্ডাত নিহত এজন স্কুটী আৰোহী। নিহত লোকজনৰ নাম ক্ষীৰেশ্বৰ বৰা। দুৰ্ঘটনাটোত নিহত ক্ষীৰেশ্বৰ বৰা নাওঁজান জনস্বাস্থ্য কাৰিকৰী বিভাগৰ কৰ্মচাৰী আছিল।

নাগালেণ্ডৰ তীব্রবেগী গাড়ীখনে ক্ষীৰেশ্বৰ বৰাক স্কুটীসহ মহতিয়াই এজোপা গছত খুণ্ডা মাৰে। নগা চালকজনে অত্যধিক সুৰাপান কৰি তীব্ৰবেগত গাড়ী চলোৱাৰ বাবে দুৰ্ঘটনাটো সংঘটিত হয় বুলি জানিবলৈ দিয়ে প্ৰতক্ষ্যদৰ্শীয়ে।

দুৰ্ঘটনা সংঘটিত কৰা নাগালেণ্ডৰ চাৰি চকীয়া বাহন খনৰ নম্বৰ হ'ল NL 07 C 9110।